အကောက်ခွန်ဝန်ဆောင်မှုလုပ်ငန်း ဆောင်ရွက်သူတိုင်းသည် -
(က) ကုန်စည်များတင်သွင်းခြင်း၊ တင်ပို့ခြင်း၊ ဖြတ်သန်းကုန်သွယ်ခြင်း၊ တစ်ဆင့်လွှဲပြောင်းခြင်း၊ ကုန်စည်သိုလှောင်ခြင်းတို့နှင့် ပတ်သက်သည့် ဥပဒေများ၊ စည်းကမ်းချက် များ၊ တရားဝင်လုပ်ထုံးလုပ်နည်းများကို အစဉ်အမြဲလိုက်နာရမည်။
(ခ) မိမိတို့အကျိုးစီးပွားအတွက်ဖြစ်စေ၊ ကြားလူ၏ အကျိုးစီးပွားအတွက်ဖြစ်စေ အကောက်ခွန် ဥပဒေတစ်ရပ်ရပ်ကို ဖြစ်စေ၊ တရားမဝင်ကုန်သွယ်မှုကို တားဆီးသည့် ဥပဒေတစ်ရပ်ရပ်ကို ဖြစ်စေ ချိုးဖောက်သည့် လုပ်ဆောင်ခြင်း(သို့) ပျက်ကွက်ခြင်း မရှိစေရ။
(ဂ) ကုန်စည်ရှင်းလင်းရေး၊ သွင်းကုန်ပို့ကုန်များအပေါ်အခွန်အခများ ကောက်ခံရေးတို့အား ပိတ်ပင်သည့် (သို့မဟုတ်) ကြန့်ကြာစေသည့် အပြုအမူမှန်သမျှ ရှောင်ကြဉ်ရမည်။
(ဃ) မြန်မာနိုင်ငံသို့ တရားမဝင်သယ်ယူလာသည့် ကုန်စည်များကိုသိလျက်နှင့် မိမိအတွက်ဖြစ်စေ၊ ကြားလူအတွက် ဖြစ်စေ ဝယ်ယူ/ရယူခြင်း မပြုရ။
(င) သွင်းကုန်ပို့ကုန်များအပေါ်အခွန်အခများမှန်ကန်စွာ ကောက်ခံရေးကို သက်ရောက်စေမည့် သတင်းအချက်အလက်များအား လုပ်ငန်းအပ်နှံသူနှင့်အတူ ပူးပေါင်း၍ဖုံးကွယ်ရန်ကြိုးစားခြင်းမပြုရ။
(စ) မိမိတို့၏လိုင်စင်ခွင့်ပြုချက်အတွင်း၌သာ တိတိကျကျလုပ်ငန်းများ ဆောင်ရွက်ရမည်။