အကောက်ခွန်ဝန်ဆောင်မှုလုပ်ငန်းဆောင်ရွက်သူတိုင်းသည် -
(က) ပညာရပ်ဆိုင်ရာကျင့်ထုံး နှင့် စွမ်းရည်စံနှုန်းများ မြင့်မားစေရေး အာမခံရမည်။ ထိုသို့ဖြစ်ရန် ပွင့်လင်းမြင်သာမှု၊ သမာသမတ်ကျမှု၊ ဘက်လိုက်ခြင်းကင်းမှု၊ လုပ်ငန်းအပ်နှံသူများ၏ အကျိုးစီးပွားကို ရှေးရှုမှုများဖြင့် အစဉ်လုပ်ဆောင်ရမည်။
(ခ) မိမိတို့လုပ်ငန်းအစအဆုံးတွင် ရှိသင့်သည့်သတိဝီရိယဖြင့် လုပ်ဆောင်ရမည်။ လုပ်ငန်းအပ်နှံသူ၏အကျိုးစီးပွားကို မလိုအပ်ဘဲထိခိုက်နစ်နာခြင်း မရှိအောင်ကာကွယ်ရမည်။
(ဂ) မိမိတို့အပြည့်အဝ မကျွမ်းကျင်မပိုင်နိုင်သည့် လုပ်ငန်းကို လုပ်ဆောင်ခြင်းမှရှောင်ကြဉ်ရမည်။ လိုအပ်လျှင် အသင်းမှအကြံဉာဏ်နှင့် ပံ့ပိုးကူညီမှု တောင်းခံရမည်။
(ဃ) ဝန်ထမ်းများ၏ပညာအရည်အချင်း၊ လေ့ကျင့်သင်ကြားထားမှု၊ အတွေ့အကြုံများအရ ၎င်းတို့ကျွမ်းကျင်ပိုင်နိုင်သည့် အလုပ်ကိုသာလုပ်ဆောင်ခွင့်ပြုရမည်။
(င) မိမိတို့အား ယုံကြည်စွာအပ်နှံထားသည့် ဝန်ဆောင်မှုများ၊ လုပ်ငန်းများအား ကောင်းစွာ ကြီးကြပ်ထိန်းချုပ်ရမည်။ ထိုသို့ ကြီးကြပ်ထိန်းချုပ်ရန်အတွက် စီးပွားရေးလုပ်ငန်း မှတ်တမ်း များကို အလုံအလောက် ထိန်းသိမ်းထားရှိရမည်။ ဤသို့ဖြင့် အကောက်ခွန်ဦးစီးဌာနနှင့် အခြားကျွမ်းကျင်အာဏာပိုင်များ အနေဖြင့်လည်း သင့်တော်သလို ထိန်းချုပ်မှုပြုနိုင်မည်။
(စ) လုပ်ငန်းအပ်နှံသူများက ယုံကြည်အပ်နှံထားသည့်ငွေကြေးကို အပ်နှံထားသည့် ရည်ရွယ်ရင်းကိစ္စအတွက်သာ အသုံးပြုရမည်။
(ဆ) မိမိတို့၏ငွေကြေးသုံးစွဲမှုကို လုပ်ငန်းအပ်နှံသူများ အချိန်မရွေး စစ်ဆေးနိုင်ရန်အတွက် လုံလောက်သော မှတ်တမ်းမှတ်ရာများ ထားရှိရမည်။